“Napoli” futbol klubiga tegishli “San-Paolo” stadionining nomi rasman Diyego Maradona sharafiga qayta nomlandi.
Neapol meri Luiji de Majistris 4-dekabr kuni imzolagan qarorga ko‘ra, stadion endilikda Diyego Armando Maradona nomi bilan ataladi. Ushbu qarorni shahar kengashining barcha a’zolari qo‘llab-quvvatlagan.
Eslatib o‘tamiz, Maradona 60 yoshida 25-noyabr kuni yuragidagi muammo sabab olamdan ko‘z yumdi.
Argentinalik afsona 1984—1991-yillar davomida “Napoli” safida to‘p surgan. U neapolliklar bilan ikki bor (1986/87 va 1989/90-yilgi mavsum) Italiya chempionligini qo‘lga kiritgan, Italiya Kubogi va Superkubogida g‘alaba qozongan. Shuningdek, UEFA Kubogiga ega chiqqan.
Mavzuga doir:
- Maradonaning menejeri: “Diyego o‘zini o‘lishga qo‘yib berdi. U charchagan va yashashni xohlamayotgandi”
- Futbol afsonasi Diyego Maradona hayoti va faoliyatidagi eng yorqin lahzalar (fotogalereya)
- Argentinadan Suriyagacha. Muxlislar Diyego Maradona bilan vidolashmoqda (fotogalereya)
- Maradonaning neapollik bemor bolaga yordam berish uchun klubga qarshi chiqib, loy maydonda o‘ynab gol urgani haqida kichik hikoya
- “Argentinalik bo‘lish baxti hech qanday qiymatga sotilmaydi”. Maradonaning 100 mln dollarga sotilmagan vatanparvarligi haqida
- Diyego Maradona 23 yil avval futbol bilan xayrlashgandi, bugun esa... Argentinalik dahoning so‘nggi uchrashuvi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)