Germaniyalik Xelga Shmid Yevropada xavfsizlik va hamkorlik tashkilotining yangi bosh kotibi bo‘ladi. Bu haqda YeXHTning amaldagi raisi, Albaniya bosh vaziri Edi Rama ma’lum qildi, deb xabar bermoqda “RIA Novosti”.

Foto: “RIA Novosti”

Edi Ramaning ma’lum qilishicha, tashkilotga aqlli rahbariyat kerak, chunki YeXHT sifat jihatdan yangi darajaga chiqishi, o‘zi asoslangan tamoyillarga haqiqatdan qat’iy turishi, “bir tomondan Yevropa Ittifoqi, boshqa tomondan Rossiya yoki boshqa davlat o‘rtasidagi doimiy nizolar yuzaga keladigan maydonlardan biriga aylanmasligi” uchun tashkilotga bo‘lgan ishonchni mustahkamlash kerak.

“Men yangi rahbarlar tayinlanishi uchun barchasi tayyorlanganidan xursandman. Bosh kotib Xelga Shmid, Demokratik institutlar va inson huquqlari byurosi direktori Matteo Mekachchi, OAV erkinligi masalalari bo‘yicha vakil Tereza Ribeyru, Milliy kamchilik ishlari bo‘yicha YeXHT oliy komissari Qayrat Abdrahmonov”, — deya ma’lum qilgan Rama YeXHTning vazirlar kengashi ochiq majlisida.

Tashkilot raisi yangi rahbarlarning professionalligi va malakasiga to‘liq ishonch bildirgan va YeXHTning barcha ishtirokchi mamlakatlarini ularga kelgusi uch yilda o‘z vakolatlarini amalga oshirishda yordam berishga chaqirgan.

Avvalroq YeXHT Trampning AQSh prezidenti saylovlaridagi qoidabuzarliklar haqidagi gaplarini asossiz deb topgandi.