“Barselona” jamoasi Chempionlar Ligasi 5-turi doirasida 2-dekabr, chorshanba kuni “Ferensvarosh”ga qarshi bahs olib boradi. O‘yin Toshkent vaqti bilan 3-dekabrga o‘tar kechasi 01:00 da boshlanadi.
Katalonlar ustozi Ronald Kuman uchrashuvga jalb etilgan futbolchilar kengaytirilgan tarkibini e’lon qildi. Undan 20 nafar futbolchi o‘rin olgan.
Uchrashuvni jarohat sabab Ansu Fati, Serxi Roberto va Xerard Pike kabi futbolchilar o‘tkazib yuboradi. Shuningdek, murabbiylar shtabi Mark Andre ter Shtegen, Filippe Koutinyo va Lionel Messiga dam olish imkoniyatini taqdim etgan.
Qaydnomadan joy olgan futbolchilar bilan tanishing:
Darvozabonlar: Neto, Inyaki Penya, Arnau Tenas;
Himoyachilar: Xordi Alba, Xunior Firpo, Kleman Langle, Serjinyo Dest, Oskar Mingesa;
Yarim himoyachilar: Serxio Buskets, Miralem Pyanich, Frenki de Yong, Karles Alenya, Pedri Gonsales, Rikard Puch, Mateus Fernandes;
Hujumchilar: Martin Breytueyt, Antuan Grizmann, Usmon Dembele, Konrad de la Fuente, Fransishku Trinkau.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)