NASA astronavti Viktor Glover o‘zining Twitter’dagi sahifasiga Yerning Crew Dragon-1 kosmik kemasidan turib olingan videosini joylashtirdi.
Uning ta’kidlashicha, bu astronavt tomonidan kosmosda olingan ilk video va u aqlbovar qilmas darajada ajoyib.
My first video from space! Looking at the Earth through the window of Dragon Resilience. The scale of detail and sensory inputs made this a breathtaking perspective! pic.twitter.com/n7b5x0XLIp
— Victor Glover (@AstroVicGlover) November 24, 2020
17-noyabr kuni Amerikaning SpaceX kompaniyasiga qarashli Crew Dragon kemasi Toshkent vaqti bilan 09:01 da Xalqaro koinot stansiyasiga muvaffaqiyatli tarzda tutashgan. Uch amerikalik — Maykl Xopkins, Viktor Glover va Shennon Uoker hamda bir yapon astronavti — Soiti Nogutidan iborat ekipaj XKSda olti oy mobaynida bo‘lib turadi.
Eslatib o‘tamiz, Ilon Maskning SpaceX kompaniyasi tomonidan yaratilgan Crew Dragon kosmik kemasi birinchi bor 30-may kuni Xalqaro kosmik stansiya tomon uchirilgan edi. 31-may kuni esa Crew Dragon XKSga muvaffaqiyatli tutashgan va 3-avgust kuni Yerga muvaffaqiyatli qo‘ngandi.
Izoh (0)