Qashqadaryo viloyati G‘uzor tumanida Nexia avtomashinasi yo‘ldan o‘tayotgan piyodani urib ketdi, deya xabar bermoqda YHXBB.
Ma’lum qilinishicha, 2020-yilning 18-noyabr kuni soat 22:30 larda Qashqadaryo viloyat IIB YXHB navbatchilik qismiga xabar kelib tushdi.
Unda ma’lum qilinishicha, G‘uzor tumani “Sovlug‘ar” MFY hududidan o‘tuvchi G‘uzor– Sovlug‘ar–Qoratikan avtomobil yo‘lining 9-kilometrida piyoda ishtirokida yo‘l-transport hodisasi sodir bo‘lgan.
Aniqlanishicha, Nexia rusumli avtomashina haydovchisi qor yog‘ayotgani va e’tiborsizligi natijasida yo‘lning o‘ng tomonidan chap tomoniga kesib o‘tayotgan piyodani ko‘rmay qolib, urib yuborgan.
“Harakatlanib ketayotgan vaqtimda qarama-qarshi yo‘nalishda kelayotgan avtomobil chiroqlari ko‘zimni olib bir narsani ustidan o‘tib ketganimni sezdim. Orqamga qaytsam odam ekan. Uni mashina to‘xtatib birinchi yordam ko‘rsatish uchun olib ketdim”, – deydi haydovchi.
YTH oqibatida piyoda olgan tan jarohatlari tufayli vafot etgan.
Avvalroq Navoiyda IIO xodimlaridan qochgan mast haydovchi Malibu’sini daraxtga borib urgani va uzoq vaqt undan tushmagani, Samarqandda mast haydovchi o‘z boshqaruvidagi Matiz bilan kanalga tushib ketishi oqibatida mashina ichida bo‘lgan amakisining umriga zomin bo‘lgani hamda Jizzaxda yo‘lning muzlashi oqibatida sodir bo‘lgan ikki YTHda haydovchi va yo‘lovchi vafot etgani haqida xabar qilingan edi.
Izoh (0)