AQShning amaldagi prezidentining o‘g‘li kichik Donald Tramp koronavirusga chalindi. Shundan so‘ng, u o‘zini yakkalash rejimiga o‘tgan, deb yozadi Bloomberg.
Manbalarning so‘zlariga ko‘ra, bu hafta boshida sodir bo‘lgan. Kichik Trampning vakillarini aytishicha, unda koronavirus infeksiyasining biror belgilari kuzatilmagan.
“Hozirga qadar unda belgilar kuzatilmadi va u shifokorlarning koronavirusni davolash bo‘yicha tavsiyalariga amal qilmoqda”, — deyiladi xabarda.
Eslatib o‘tamiz, Donald Trampda 1-oktabr kuni koronavirus aniqlangandi. AQSh prezidenti bir necha kun kasalxonada davolangan va u yerdan 5-oktabr kuni chiqqan. Sentabr oyining o‘rtalarida AQSh prezidenti koronavirusga qarshi vaksinaning mamlakat aholisi o‘rtasida keng tarqatish oktabr oyidan boshlanishini ma’lum qilgandi. Noyabrda esa u amerikaliklar koronavirusga qarshi AQShda yaratilgan vaksinadan keyingi yilning aprelidan boshlab foydalanishi mumkin bo‘lishini aytgan.
Izoh (0)