Boks bo‘yicha o‘rta vazn toifasida Jahon chempioni Saul “Kanelo” Alvares (53-1-2, 36 KO) super o‘rta vazn toifasida WBA chempioni Kallum Smitga (27-0, 19 KO) qarshi jang qiladi.
Bu haqda meksikalik sportchi o‘z Instagram sahifasida ma’lum qildi.
Jang 19-dekabr kuni bo‘lib o‘tadi. O‘tkazilish joyi haqida ma’lumot berilmagan. Avvalroq jang Dallas shahrida bo‘lib o‘tishi xabar qilingandi.
“Kanelo” so‘nggi jangini 2019-yilning noyabrida o‘tkazgan va unda Sergey Kovalyovni nokautga uchratgandi.
Ma’lumot uchun, Saul Alvares 2016-yilning sentabrida Dallasda Kallumning ukasi Liam Smitga qarshi jang qilgan va uni 7-raundda nokautga uchratgandi.
Izoh (0)