O‘zbekiston hududiga 12-noyabr kuni Volgabo‘yi hududlaridan sovuq va nam antisiklon kirib kelishi natijasida hududlarning katta qismida yomg‘ir, tog‘li hududlarda esa qor yog‘di. Respublika bo‘ylab joylarda yog‘ingarchilik kuchli bo‘ldi. Faqat O‘zbekistonning shimoli-g‘arbiy tumanlarida ob-havo yog‘ingarchiliklarsiz bo‘ldi.
“O‘zgidromet”ning xabar berishicha, 13-noyabr kuni yomg‘ir faqat Farg‘ona vodiysi viloyatlarida, kechqurunga kelib Surxondaryo viloyatlarida saqlanib qoladi. Qolgan hududlarda esa yog‘ingarchiliklar kuzatilishi ehtimoldan yiroq. Havo harorati 6-11 daraja atrofida, o‘rtacha me’yorlardan 5-7 darajaga pastdir.
14—15-noyabr kunlari respublika hududiga Ural hududlaridan sovuq havo kirishi kutilmoqda. 14-noyabrda Qoraqalpog‘iston va Xorazm viloyatida, 15-noyabrda Toshkent, Jizzax, Sirdaryo, Andijon, Namangan, Farg‘ona viloyatlarida qisqa muddatli yog‘ingarchilik (yomg‘ir, qor), qolgan hududlarda esa yomg‘ir kuzatilmaydi. Ba’zi joylarga tuman tushishi mumkin. Shamol tezligi sekundiga 15-20 metrgacha yetishi mumkin.
Dam olish kunlarida havo harorati kechasi 0-5 daraja iliq, ba’zi joylarda 1-3 daraja sovuq, shimoliy hududlarda esa 4-9 daraja sovuq bo‘ladi, kunduzi esa 6-11 daraja iliq bo‘ladi, bu o‘rtacha me’yorlardan 5-7 darajaga pastdir.
Izoh (0)