Yaponiyada kichik shaharcha merini saylovlardagi g‘alaba bilan tabriklashmoqda. U AQSh prezidentligi saylovlarida “g‘olib chiqqan”

Ikki kun oldin Yaponiyadagi Yamato shahri meri Yutaka Umeda mashhur bo‘lib uyg‘ondi: uning ismi ijtimoiy tarmoqlarda trendga aylanib ketdi, Umedani saylovlardagi muhim g‘alaba bilan tabriklash boshlangan. Tabriklar Yamato aholisidan ming marotaba ko‘p kelgan, g‘alabadan nafaqat Yaponiya, balki butun dunyo xursand bo‘lgan. Gap AQSh prezidentligi saylovlaridagi g‘alaba haqida ketmoqda, deb yozadi The Guardian.

Ma’lum bo‘lishicha, 73 yoshli Umedaga “g‘alaba”ni unga ism qo‘ygan ota-onasi ta’minlagan. Gap shundaki, Yamato merining familiyasi ikkita ieroglifdan iborat: 梅田 — bu olxo‘ri va dala deb tarjima qilinadi (The Guardian tarjimasi). Ularni “ume” — “ha” va “bay” — “den” deya talaffuz qilish mumkin. Ismni anglatuvchi ieroglifni — 穣 — nafaqat “Yutaka”, balki “Jo” deb ham o‘qish mumkin.

Yutaka Umeda, the mayor of a small town in Kumamoto, was catapulted into Internet stardom when someone discovered his name had an alternative pronunciation:

穣 (Jo) 梅田 (Baiden) pic.twitter.com/PyW7itdz1q

— Spoon & Tamago (@Johnny_suputama) November 9, 2020

Umedaning tan olishicha, u trendlarga kirgach, “shoshib qolgan”, shuningdek, u Jo Baydenni xushlashini ta’kidlagan. “Saylovlarda xuddi o‘zim yutgandek his qilyapman”, — deydi mer. Umeda NHK axborot korporatsiyasiga bergan intervyusida Amerikaning yangi prezidenti bilan uchrashishni va unga o‘zini “Kumamoto prefekturasidan Bayden” deb tanishtirishni, shu bilan birga, barchani “meva yeyishga” chaqirishni xohlashini ma’lum qilgan.

「日本のジョー・バイデン」と話題の、梅田穣さんに話を聞きました。#ジョー・バイデンhttps://t.co/IUyDuidLfN pic.twitter.com/EaUqE3jM19

— 読売新聞オンライン (@Yomiuri_Online) November 10, 2020

Bu AQShdagi prezidentlik saylovlarining Yaponiyadagi birinchi aksi emas. 2008-yilda Fukui prefekturasidagi Obama shahri ham mashhurlikka erishgandi.