Shou-biznesning quyida nomi tilga olingan vakillari yosh bu pasportga qayd qilingan raqam ekaniga ishonadi. Ularning tashqi qiyofasiga nazar tashlab esa bunga shubha qilmaslik aniq. O‘tayotgan yillar qiyofasida aks etmaganini ayrimlari sport bilan muntazam shug‘ullanish va iste’mol qilayotgan mahsulotlariga e’tibor berish bilan bog‘lasa, ba’zilari ichki dunyoning yosh va go‘zalligida deb biladi. Lekin bu go‘zallik jarrohlik amaliyotlarining natijasi bo‘lish ehtimoli ham yo‘q emas.

Xaydi Klum

Foto: Getty Images

Xaydining suratiga nazar tashlab, uning 47 yoshda ekaniga ishonish qiyin. Modelning o‘n yil avvalgi surati bilan hozirgisi solishtirilganda esa 2010-yildagidan ham yoshroq ko‘rinadi. Soch turmagining o‘zgartirgani uning chiroyiga chiroy qo‘shgan.

Sindi Krouford

Foto: Woman’s Day

54 yoshli Sindining 44 yoshda vaqti bilan solishtirilsa, sezilarli darajada o‘zgarishni payqash qiyin. Yosh o‘tishi model qiyofasiga ta’sir qilmagan, degan xulosaga kelish mumkin.

Salma Xayek

Foto: Woman’s Day

Salmaning 54 yosh ekanini bilmagan odam uni kamida 20 yosh kichik deb o‘ylashi aniq. Uning 10 yil avvalgi surati bilan hozirgisi solishtirilsa, biroz vazn to‘plaganini aytmaganda boshqa o‘zgarish kuzatilmaydi. Yuz shakli o‘sha-o‘sha, ajinlar esa hali paydo bo‘lishni istamayotgandek go‘yo.

Sheron Stoun

Foto: Woman’s Day

Sheron 62 yoshda va bu uning zamonaviy kiyinmasligi va o‘ziga qaramasligi uchun sabab bo‘la olmaydi. Uning yosh ko‘rinish siri doim sport bilan shug‘ullanishi va ratsioniga e’tibor berishida. Stoun o‘tli choyni yaxshi ko‘radi va kuniga 20 finjon ichadi.

Sharliz Teron

Foto: Woman’s Day

Sharlzi 45 yoshida 35 yoshidagidan yaxshiroq ko‘rinishga ega bo‘lgan yulduzlardan. Uning kelishgan qaddi-qomati, yuz shakli va soch turmagi yosh ayollarning hammasida ham bor emas.

Natali Portman

Foto: Woman’s Day

10 yil davomida Natali o‘ziga to‘g‘ri keladigan uslub qidirdi va nihoyat 2020-yilga kelib buning uddasidan chiqqanini guvohi bo‘lishi mumkin. O‘ziga yarashgan uslub va soch turmagi sabab aktrisa 2010-yildagidan ancha yaxshi ko‘rinadi. Bugun 39 yoshda bo‘lgan Portman 29 yoshidagidan ko‘ra sarvqomat va go‘zal.

Riz Uizerspun

Foto: Woman’s Day

Aktrisaning pasportida 45 yosh deb yozib qo‘yilganini aytmasa, bunga ishonish qiyin. Uning go‘zallik va yoshlik siri uni hech qachon tark etmaydigan optimistligida. Shunga qaramay Riz go‘zallik muolajalaridan ham foydalanib turadi. Soch turmagini o‘zgartirishi uning qiyofasiga yanada joziba qo‘shadi.

Penelopa Krus

Foto: Woman’s Day

2020-yilda 46 yoshga to‘lgan aktrisaning yuziga tikilib ajin topish mushkul. 10 yil davomida u hech qanday go‘zallik amaliyotlarini sinab ko‘rmagan. U qanday soch uzunligi va rangi yuziga mos tushishini juda yaxshi biladi, makiyaj borasida esa ko‘z va qoshga urg‘u berishni ma’qul biladi.

Kristin Devis

Foto: Woman’s Day

O‘n yil avval mashhurlikka erishib keyin birdaniga yo‘q bo‘lib qolgan Kristin ayni vaqtda 45 yoshda. U bugungi kunda kam suratga tushadi va xayriya loyihalariga asosiy vaqtini sarflaydi. Uning ko‘rinishiga kelsak, xuddi o‘tgan 10 yil u uchun mavjud bo‘lmagandek — hali hamon o‘sha-o‘sha ko‘rinishga ega.