Moliya vazirligi huzuridagi budjetdan tashqari Pensiya jamg‘armasi matbuot xizmati tomonidan tizim bo‘yicha 2020-yilning yanvar–sentabr oylarida amalga oshirilgan ishlar to‘g‘risida ma’lumot berildi, deya xabar bermoqda “Kun.uz”.
Pensiya jamg‘armasining 2020-yilni yanvar–sentabr oylari bo‘yicha daromadlar rejasi 14,7 trillion so‘m bo‘lib, ijrosi 15, 2 trillion so‘mni (shundan, soliqlardan tashqari tushumlar miqdori 135,6 milliard so‘mni) tashkil etgan yoki ijro belgilangan parametrga nisbatan 103,7 foizga bajarilgan.
Qayd etilishicha, 2020-yil 1-oktabr holatiga ko‘ra, pensiya va nafaqa oluvchilarning umumiy soni 3 million 785 ming 520 nafarga yetib (yil boshiga nisbatan 107 779 nafarga ko‘paygan), aholi sonidagi ulushi 11,1 foizni tashkil qilgan (shundan, 3 million 399 ming 928 nafari pensiya va 385 ming 592 nafari nafaqa oluvchilar).
Shuningdek, 2020-yil yanvar–sentabr oylarida 239 ming 216 nafar fuqaroga pensiya va nafaqalar tayinlangan (shundan, 164,1 ming nafariga yoshga doir pensiya va 9,3 ming nafariga yoshga doir nafaqa tayinlandi).
Shu bilan birga, 2020-yil 20-aprel holatiga ko‘ra, 16 mingdan ortiq fuqaroning pensiya ishlarini tekshirish natijasida aniqlangan 25 milliard so‘mlik ortiqcha to‘lovlar hisobdan chiqarilgan.
Pasport va ishonchnoma amal qilish muddatlari tugagan 49 mingdan ortiq fuqarodan hamda 64 ming nafardan ortiq nogironligi bo‘lgan shaxslardan hujjat talab etilmasdan to‘lovlar 2020-yil 1-sentabrga qadar uzaytirilgan.
Mavzuga doir:
Izoh (0)