Futbol bo‘yicha Coca-Cola Superliganing 20-turida “Mash’al” 22-oktabr, payshanba kuni “Qo‘qon-1912”ni qabul qildi.
Uchrashuvning birinchi bo‘limi o‘rtacha tempda o‘tdi va tanaffusga qadar darvozalar daxlsiz qoldi. Ikkinchi bo‘lim debyutida Muhammadanas Hasanov qo‘qonliklarni oldinga olib chiqdi.
Bunga maydon egalari 84-daqiqada Humoyun Murtazoyevning goli bilan javob qaytardi. Oradan ko‘p o‘tmay hakam bahsli vaziyatda mezbonlar darvozasi tomon penalti belgiladi. 11 metrlik jarima zarbasini Murod Xolmuhammedov muvaffaqiyatli ijro etib, mehmonlarga g‘alaba keltirdi.
Mazkur g‘alabadan keyin “Qo‘qon-1912” ochkolarini 35 taga yetkazib oldi va 4-o‘rinda bormoqda. “Mash’al” (19) esa 10-pog‘onadan joy olgan.
Coca-Cola Superliga
20-tur bahsi
22-oktabr, payshanba
“Mash’al” — “Qo‘qon-1912” 1:2
Gollar: 0:1 – 52 Hasanov, 1:1 – 84 Murtozayev, 1:2 – 88, penalti Xolmuhammedov.“Mash’al”: Rahimjon Davronov, Najmiddin Normurodov, Ifeani Ifeani (Sirojiddin Rahmatullayev, 46), Sherzod Temirov, Mo‘minjon Meliyev (Humoyun Murtozayev, 56), Jamoliddin Ubaydullayev (Ibrohim No‘monov, 46), Abbos Shodmonov, Sardor Abduraimov, Sirojiddin Qo‘ziyev, Denis Vasilev, Jahongir Abdusalomov (Ella Ken Arman, 62).
“Qo‘qon-1912”: Muzaffar Abdullayev, Boburjon Akbarov, Suhrob Berdiyev, Quvondiq Ro‘ziyev, Avaz Mamatxo‘jayev (Sardor Azimov, 90+2), Muhammadanas Hasanov (Hamidullo Abduhamidov, 80), Aleksandr Merzlyakov, Ivan Yosovich, Filip Rayevats (Jasur Yoqubov, 80), Murod Xolmuhammedov, Yakuba Bamba (Sobit Sindarov, 61).
Ogohlantirishlar: Ifeani (6), No‘monov (65), Qo‘ziyev (90+3).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)