“Manchester Yunayted” 2019/20-yilgi mavsumda qancha zarar ko‘rgani ma’lum bo‘ldi

“Manchester Yunayted” jamoasi 2019/20-yilgi mavsumning moliyaviy hisobotlarini e’lon qildi, deya xabar qilmoqda jurnalist Rob Harris.

Klubning qarzi 474,1 million funtga yetgan, bu o‘tgan mavsumdagi ko‘rsatkichdan (203,6 million funt) 133 foizga ko‘p degani.

Klub daromadi 19 foizga pasaygan va 509 million funtni tashkil qilgan. Ko‘rilgan zarar 23,2 million funtni tashkil etgan. O‘tgan mavsum klub 18,9 million miqdorida foyda ko‘rgandi.

Moliyaviy ko‘rsatkichlarning pasayishiga koronavirus pandemiyasi sabab bo‘lgan.

“Manchester Yunayted” Premyer Liga 2019/20-yilgi mavsumini 3-o‘rinda yakunladi. Ole-Gunnar Sulsher shogirdlari Yevropa Ligasida esa yarim finalga qadar yetib bordi.