O‘zbekiston va Rossiya iqtisodiy hamkorlik bo‘yicha hukumatlararo komissiyasining 21-yig‘ilishida bir qator kelishuvlar imzolandi. Bu haqda Rossiya Iqtisodiy rivojlanish vazirligi matbuot xizmatiga tayanib, Spot xabar berdi.
Gazel City
Foto: 5koleso.ru
Xususan, “Gruppa GAZ” tomonidan O‘zbekistonda yengil tijorat avtomobillarini ishlab chiqarish bo‘yicha qo‘shma korxona tashkil etish to‘g‘risida kelishuvga erishilgan. Bu aynan qanday modellar bo‘lishi hozircha noma’lum, ammo zavodning tarkibi yetti oiladan iborat:
- Gazel Next
- Gazel City
- Gazel Next
- Sadko Next
- Gaz 4WD
- Gazel Biznes
- Sobol Biznes
Sentabr oyida “RIA Novosti” “Gruppa GAZ” 2021-yilda O‘zbekistonda avtomobillarni yig‘ish (SKD) ishlab chiqarishni o‘zlashtirmoqchi ekanligi haqida xabar bergan. Birinchi bosqichda yiliga 3 mingtagacha avtomobil ishlab chiqarish rejalashtirilgan, keyinchalik ishlab chiqarish quvvati oshiriladi.
Qayd etilishicha, Rossiya avtomobil ishlab chiqaruvchisi sherigi sifatida O‘zbekistondagi maxsus texnika ishlab chiqarish bo‘yicha eng yirik korxona bo‘lgan Krantas mahalliy kompaniyasi ishlaydi.
Avvalroq O‘zbekistonda “Ural” harbiy avtomobillarini yig‘ish rejalashtirilayotgani xabar berilgan edi.
Mavzuga doir:
- O‘zbekistonda 2022-yil yakunigacha Kia’ning 8 ta yangi modeli ishlab chiqarilishi kutilmoqda
- O‘zbekistonda Kia’ning eksklyuziv avtomobili ishlab chiqarilishi kutilmoqda
- O‘zbekistonda yig‘iladigan Kia narxlari nima uchun Rossiyadagidan qimmatligiga izoh berildi
- O‘zbekistonda sotuvga chiqadigan Skoda Kodiaq 2 xil komplektatsiyada taqdim etiladi
