Portugaliya termasi ustozi: Ronalduning yo‘qligi jamoaga sezilarli ta’sir ko‘rsatadi

Portugaliya terma jamoasi bosh murabbiyi Fernandu Santush koronavirusga chalingan Krishtianu Ronaldu haqida gapirdi.

Krishtianuning ahvoli yaxshi. U shunchaki maydonga tushishni xohlamoqda. Koronavirus tufayli biron bir futbolchining yo‘qligi — katta yo‘qotish, ammo Ronalduning yo‘qligi sezilarli darajada ta’sir ko‘rsatadi. Biroq boshqa futbolchilarga ham to‘liq ishonaman.

Reja o‘zgarmaydi, lekin dinamika jiddiy o‘zgarib ketadi. Dunyoning eng yaxshi futbolchisi yo‘qligi sezilmay qolmaydi, albatta. Ammo Portugaliya chaqiruvlarga javob bera olishini oldin ham isbotlagan. Men o‘z futbolchilarimga to‘liq ishonaman.

Fernandu Santush, Portugaliya terma jamoasi murabbiyi

Shu tariqa Ronaldu Millatlar Ligasidan o‘rin olgan Shvetsiyaga qarshi o‘yinni o‘tkazib yuboradi. Uchrashuv 14-oktabr, chorshanba kuni bo‘lib o‘tadi.