Ispaniya terma jamoasi Millatlar Ligasi doirasida kechgan bahsda Ukrainaga mag‘lub bo‘ldi (0:1).
Ispaniya terma jamoasi ketma-ket beshta safar o‘yinidan buyon g‘alaba qozona olmayapti: Portugaliya bilan 0:0, Germaniya bilan 1:1, Shvetsiya bilan 1:1 va Norvegiya bilan 1:1.
Bunaqasi ispanlar bilan 1990-yillar boshidan buyon ilk bor kuzatildi. 1990—93-yillar mobaynida Ispaniya ketma-ket yettita safar o‘yinida g‘alaba qozona olmagandi.
Shuningdek, bu Ispaniya va Ukraina terma jamoalari o‘rtasidagi o‘zaro yettinchi to‘qnashuv bo‘ldi. Unda ukrainlar ilk bor g‘alabaga erishdi, bunga qadar beshta mag‘lubiyat va bitta durang qayd etilgandi.
Ispaniya sobiq SSSR mamlakatlariga qarshi 41-o‘yinida ikkinchi mag‘lubiyatni qabul qilib oldi. Bundan avval Gruziya 2016-yilda “qizil furiya”dan ustun kelgandi (1:0).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)