BMT Inson huquqlari bo‘yicha Kengashi a’zoligiga 15 davlat 2021-yil 1-yanvardan boshlab uch yillik muddatga saylangani haqida xabar berilgandi. A’zolikka saylangan davlatlar qatorida O‘zbekiston bilan birga, Rossiya, Xitoy va Kuba davlatlari ham bor.
AQSh Davlat kotibi Maykl Pompeoning ta’kidlashicha, Rossiya, Xitoy va Kubaning BMTning Inson huquqlari bo‘yicha Kengashiga saylanishi prezident Donald Trampning ushbu tuzilmadan chiqib ketishi to‘g‘risidagi qarorining to‘g‘riligini tasdiqlaydi.
“Kengashdan chiqib ketganimizdan so‘ng AQSh BMTga a’zo davlatlarni Kengash tuzatib bo‘lmaydigan bo‘lib qolishidan oldin uni isloh qilish uchun zudlik bilan choralar ko‘rishga chaqirdi. Afsuski, bu chaqiriqlar e’tiborga olinmadi va bugungi kunda BMT Bosh assambleyasi yana inson huquqlari bo‘yicha dahshatli davlatlarni, jumladan, Xitoy, Rossiya va Kubani sayladi. Venesuela esa 2019-yilda saylangan edi”, – dedi Pompeo bayonotida.
Mavzuga doir: Pompeo Xitoyni dunyodagi eng xavfli mamlakat deb atadi
Saylovlar yashirin ovoz berish orqali o‘tkaziladi va nomzod davlat kamida 97 ta ovoz olishi kerak bo‘ladi.
Inson huquqlari bo‘yicha kengash BMT tizimidagi hukumatlararo organ hisoblanadi. U 47 davlatdan iborat bo‘lib, inson huquqlarini himoya qilish uchun javobgardir.
Avvalroq AQSh davlat kotibi Rossiya va Xitoyni koronavirusga qarshi vaksinani piar qilishda ayblagan edi.
Izoh (0)