Pandemiya boshidan buyon dunyoda 38 milliondan ortiq kishi koronavirusni yuqtirgan, deb yozadi “RBK” Jons Hopkins universiteti ma’lumotlariga tayanib.
Eng ko‘p kasallanish holatlari AQShda (7,85 million), Hindistonda (7,17 million) va Braziliyada (5,1 million) qayd etilgan. Rossiya — to‘rtinchi o‘rinda (1,31 million).
Koronavirusga chalinganlar soni to‘rt kundan kamroq vaqt ichida 1 millionga ko‘paydi: 37 million kishilik marradan 10-oktabr kuni o‘tilgan edi. Bir oydan sal ko‘proq muddat ichida esa kasallanganlar soni 10 millionga oshdi.
Dunyoda koronavirus oqibatida vafot etganlar soni 1,084 milliondan oshdi. Kasallikdan eng ko‘p odamlar AQShda vafot etgan — 215 ming kishi. Ro‘yxatda undan keyinda Braziliya (150,6 ming) va Hindiston (109,8 ming) bormoqda.
Ma’lumot uchun, dunyoda koronavirusga chalinganlar soni 30-avgustda 25 million, 11-sentabrda 28 million, 14-sentabrda 29 million, 18-sentabrda 30 million, 21-sentabr kuni 31 million, 5-oktabr kuni 35 million, 11-oktabr kuni 37 million kishidan oshgan edi.
Izoh (0)