Afg‘oniston janubidagi Gilmand viloyatida ikkita harbiy vertolyotning o‘zaro to‘qnashuvi oqibatida kamida 15 kishi halok bo‘ldi, deb xabar beradi Tolo News.
Ma’lumotlarga ko‘ra, ko‘ngilsiz hodisa vertolyotlar maxsus operatsiya kuchlari harbiylarini tushirib, bortga jarohat olgan xavfsizlik xizmati xodimlarini chiqarganidan so‘ng sodir bo‘lgan.
Mamlakat Mudofaa vazirligining ma’lum qilishicha, vertolyotlar mahalliy vaqt bilan soat 01:15 da to‘qnashib ketgan va hozirda holat yuzasidan tergov harakatlari olib borilmoqda.
Bu Afg‘onistonda harbiy vertolyotlar bilan sodir bo‘layotgan birinchi fojia emas. Xususan, 2016-yilda harbiy vertolyot halokatga uchrashi oqibatida uch kishi, 2017-yilda bir nafar amerikalik, 2018-yilning yanvaridagi halokatda besh kishi, oktabrida esa Farax viloyatidagi Anor Dara hududida harbiy vertolyot qulab, uning bortidagi 25 kishi halok bo‘lgan edi.
Izoh (0)