Davlat soliq qo‘mitasi raisi Sherzod Kudbiyevning 461-sonli buyrug‘i bilan Ayubxon G‘aybullayev Namangan shahar Davlat soliq inspeksiyasi boshlig‘i vazifasini bajaruvchi etib tayinlandi, deb xabar beradi O‘zA.
U mazkur lavozimda ishlab kelgan Rustam Nuriddinovning o‘rnida ish boshlagan.
Ayubxon G‘aybullayev 1968-yilda Namangan shahrida tug‘ilgan. Ma’lumoti oliy, 1996-yili Toshkent to‘qimachilik va yengil sanoat instituti hamda 2005-yili Toshkent davlat yuridik institutini tamomlagan.
Mehnat faoliyatini 1989-yilda Namangan stansiyasi restorani qandolatchisi vazifasida boshlagan. 1992—2018-yillarda viloyatdagi soliq organlarida turli lavozimlarida ishlab kelgan.
Ayubxon G‘aybullayev 2018-yildan hozirgi vaqtga qadar Namangan shahar Davlat soliq inspeksiyasi boshlig‘ining o‘rinbosari vazifasini bajaruvchi sifatida faoliyat yuritib kelayotgan edi.
Ma’lumot uchun, Ayubxon G‘aybullayev 2019-yil dekabr oyida o‘tkazilgan saylov natijalariga ko‘ra, ayni paytda xalq deputatlari Namangan shahar kengashi deputati ham hisoblanadi.
Izoh (0)