Shavkat Mirziyoyevning “Axborot texnologiyalari sohasida ta’lim tizimini yanada takomillashtirish, ilmiy tadqiqotlarni rivojlantirish va ularni IT-industriya bilan integratsiya qilish chora-tadbirlari to‘g‘risida”gi qarori qabul qilindi.
Qarorga muvofiq, respublika tuman (shahar)larida mavjud umumta’lim maktablari negizida informatika va axborot texnologiyalarini chuqurlashtirib o‘qitishga ixtisoslashtirilgan maktablar bosqichma-bosqich tashkil etiladi.
Shunga ko‘ra, 2020-yilda mazkur yo‘nalishda 14 ta tayanch maktab, 2021–2023-yillarda esa respublika bo‘yicha jami 205 ta ixtisoslashtirilgan maktab tashkil etilishi belgilangan.
Qarorga ko‘ra, 2020/2021-o‘quv yilidan:
- maktablarda informatika va axborot texnologiyalari fani “Bir million dasturchi” loyihasiga oid o‘quv dasturlari bilan integratsiya qilinadi.
- mazkur loyiha doirasida o‘quv kurslarini muvaffaqiyatli yakunlagan maktablarning 100 nafar eng yaxshi informatika va axborot texnologiyalari fani o‘qituvchilarini har yili BHMning 20 baravari miqdorida bir martalik mukofotlash tizimi joriy qilinadi.
- 2021-yil 1-martga qadar ushbu fan o‘qituvchilarini sertifikatlash milliy tizimi joriy qilinadi.
- 2021-yil 1-sentabrdan raqamli ko‘nikmalarni egallash darajasi bo‘yicha tegishli sertifikatga ega bo‘lgan ixtisoslashtirilgan maktablarning ushbu fan o‘qituvchilariga BHMning 50 foizi miqdorida har oylik ustama haq to‘lanadi.
- 2021/2022-o‘quv yilidan Toshkent viloyatida Toshkent axborot texnologiyalari universiteti filiali tashkil etiladi.
Mavzuga doir:
- TATU qoshida sun’iy intellektni rivojlantirish maqsadida ilmiy-tadqiqot instituti tashkil etiladi
- O‘zbekistonda o‘quvchisi “Bir million dasturchi” kursini muvaffaqiyatli yakunlagan maktab o‘qituvchilarini mukofotlash yo‘lga qo‘yiladi
- O‘zbekiston bo‘ylab raqamli texnologiyalar bo‘yicha kamida 100 ta o‘quv markazi ochiladi
Izoh (0)