Футбол бўйича Испания Ла Лигасининг 5-турида «Реал» 4 октябрь, якшанба куни «Леванте» майдонига сафар қилди.
Учрашув кутилганидек мадридликларнинг ҳужумлари билан бошланди. 16-дақиқада Винисиус Жуниор бурчак зарбасидан кейин тўпни қабул қилиб олди ва дарвозанинг узоқ бурчагини аниқ нишонга олди.
Иккинчи бўлимда майдон эгалари фаолликни оширди, айниқса бўлимнинг иккинчи қисми «Леванте»нинг устунлигида кечди. Бироқ ҳужумга берилиб кетган мезбонлар қарши ҳужумни ўтказиб юборди. Карим Бензема сўнгги сонияларда иккинчи голни урган ҳолда ўйинга мантиқий нуқтани қўйди.
«Реал» очколарини 10 тага етказиб олган ҳолда биринчи ўринга кўтарилди.
Ла Лига
5-тур баҳси
4 октябрь, якшанба
«Леванте» — «Реал Мадрид» 0:2
Голлар: 0:1 – 16 Винисиус, 0:2 – 90+5 Бензема.«Леванте»: Фернандес, Мирамон, Везу, Клерк, Постиго, Малса (Радоя, 73), Барди, Кампанья, Вукчевич (Де Фрутос, 55), Рохер Марти (Мелеро, 55), Моралес (Дани Гомес, 68).
«Реал Мадрид»: Куртуа, Начо, Менди, Рамос, Варан, Каземиро, Вальверде (Эдегор, 89), Винисиус Жуниор (Васкес, 69), Модрич (Иско, 89), Асенсио (Родриго, 69), Бензема.
Огоҳлантиришлар: Каземиро (4), Барди (72), Мирамон (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)