Futbol bo‘yicha Coca-Cola Superliganing 18-turida “Lokomotiv” 2-oktabr, juma kuni “So‘g‘diyona” maydoniga safar qildi.
Uchrashuvning 20-daqiqasida Jamshid Boltaboyev jizzaxliklarni oldinga olib chiqdi. 34-daqiqada Shahboz Jo‘rabekov maydon egalarining ikkinchi golini urdi.
Ikkinchi bo‘limda “temiryo‘lchilar” faollikni oshirdi va bu 64-daqiqada o‘z samarasini berdi: Diyor Turopov aniq zarbasi bilan hisobni qisqartirdi. Qolgan vaqtda hisob o‘zgarmadi.
Ushbu g‘alabadan keyin “So‘g‘diyona” ochkolarini 23 taga yetkazib olgan holda 8-o‘ringa ko‘tarildi. “Lokomotiv” (22) esa 9-pog‘onaga tushib ketdi.
“Lokomotiv” keyingi turda “Bunyodkor” bilan o‘ynaydi, “So‘g‘diyona” esa “Andijon” maydoniga mehmon bo‘ladi.
Coca-Cola Superliga
18-tur bahsi
2-oktabr, juma
“So‘g‘diyona” — “Lokomotiv” 2:1
Gollar: 1:0 – 20 Boltaboyev, 2:0 – 34 Jo‘rabekov, 2:1 – 64 Turopov.“So‘g‘diyona”: Milan Mitrovich, Sardor Qulmatov, Iskandar Shoyqulov (Ayubxon No‘‘monov 76), Sanjar Rashidov (Daniyel Nasriddinov 69), Jamshid Boltaboyev, Jasur Hasanov, Shavkat Mullajonov, Javohir Qahramonov, Bahodir Nasimov (Sahob Rashidov 61), Shahboz Jo‘rabekov, Marko Kolakovich (Elyor Orifov 76).
“Lokomotiv”: Javohir Ilyosov, Jahongir Abdumo‘minov (Shahzod Shaymanov 71), Kaxi Maxaradze, Temurxo‘ja Abduxoliqov, Azizbek Amonov (Kirill Pogrebnyak 82), G‘ulom Haydar G‘ulomov, Dilshod Komilov (Slavko Damyanovich 59), Shuhrat Muhammadiyev, Sherzod Fayziyev, Jaloliddin Jumaboyev, Diyorjon Turopov.
Ogohlantirishlar: Mitrovich (3), Shoyqulov (12), Abdumo‘minov (17), Jo‘rabekov (57), Nasriddinov (90+1), Pogrebnyak (90+3).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)