Shotlandiyaning Edinburg shahrida yashovchi pardozchi Agata Maycherning uyiga kechalari tez-tez tipratikanlar tashrif buyuradi. Uy egasi mehmonlarni xursand qilish uchun bog‘iga oziq-ovqat qo‘yib qo‘ydi. Keyin u to‘satdan tipratikanlar ozuqaga yetishish uchun anchagina ter to‘kishiga to‘g‘ri kelishini bilib qoldi, deb yozadi Meduza.
U bir kuni kuzatuv videosida ozuqa tomon borayotgan tipratikanlardan biri zinadan yiqilib tushganini ko‘rdi. Shundan so‘ng Maycher buning chorasini topishga qaror qildi. Pardozchi va uning yaqin do‘sti g‘ishtning yarim bo‘lagini olib, tipratikanlarning ko‘tarilishiga qulay bo‘lishi uchun qo‘shimcha zinalar yasadi.
Video lavhadan ko‘rinib turganidek, mehmonlar ular uchun qulaylashtirilgan zinalardan muvaffaqiyatli tarzda foydalanmoqda. Endi ular uchun hech qanday to‘siq yo‘q.
Maycher o‘zining ixtirosi bilan faxrlanadi. U edinburglik tipratikanlarning hayotini biroz qulaylashtirganga o‘xshaydi. Uy egasining so‘zlariga ko‘ra, ularning tashrifi juda ko‘paygan, ba’zida tipratikanlarning safi 6-8 tani tashkil etadi.
Mavzuga doir:
- 9 metrli quduqdan qutqarilgan qoplonchaning onasi yoniga ta’sirli tarzda qaytishi tasvirga olindi (video)
- Avstraliya hayvonot bog‘idagi pingvin o‘zini yolg‘iz his etmasligi uchun unga qarindoshlari haqida multfilmlar ko‘rsatilmoqda (video)
- Xitoyda och qolib, g‘ingshiyotgan mushukni bulochka bilan mehmon qilgan it videoga tushib qoldi
Izoh (0)