Angliyaning Linkolnshir grafligida joylashgan yovvoyi tabiat bog‘idagi so‘kinadigan to‘tiqushlarni ommaga ko‘rsatmaslikka qaror qilindi. Bunga qushlarning tashrif buyurganlarni so‘kkani sabab bo‘lgan, deb yozadi The Sun.
Hayvonot bog‘i rahbari Stiv Nikolsning so‘zlariga qaraganda, izolyatsiya vaqtida qushlarning tinimsiz haqorat qilishi va so‘kinishi egasining joniga teggani sabab u to‘tilarini hayvonot bog‘iga berib yuborgan. Qushlar nazoratchilardan birini “semiz” deb haqoratlagan, tashrif buyurganlarga bo‘lsa qo‘pol ravishda “yo‘qol” deb aytgan. Ulardan biri so‘kinishni boshlagan, qolganlari davom ettirgan.
Nikolsning qo‘shimcha qilishicha, to‘tiqushlar e’tibor jalb qilishni yaxshi ko‘radi. Shu sabab ular bir-biri bilan urishib, so‘kinadi keyin bo‘lsa baland ovozda kuladi.
Hayvonot ma’muriyatiga hali qushlar ustidan shikoyat bo‘lmagan. Qushlarning to‘satdan so‘kib yuborish ehtimoli borligi sabab ular tashrif buyuruvchilar ko‘zidan uzoq saqlanadi, deyiladi xabarda.
Mavzuga doir:
- Amerikalik musiqachi Iggi Popning to‘tiqushi Avstraliya hayvonlar shifoxonasiga vasiy bo‘ldi (video)
- Argentinada to‘tiqush qotillik jinoyati bo‘yicha sudda guvoh sifatida ko‘rsatma beradi
- Amerikalik ayol to‘tiqushlari uchun rasmlar galereyasini yaratdi. U mashhur suratlarni qushlarga moslab qayta chizdi (foto)
- Hindistonda josuslikda ayblanib, 3 yilga qamalgan kabutar ozodlikka chiqarildi
- Tonga orollarida 60 ming yil avval yashagan yarim metrlik kabutar qoldiqlari topildi
Izoh (0)