Шотландиянинг Эдинбург шаҳрида яшовчи пардозчи Агата Майчернинг уйига кечалари тез-тез типратиканлар ташриф буюради. Уй эгаси меҳмонларни хурсанд қилиш учун боғига озиқ-овқат қўйиб қўйди. Кейин у тўсатдан типратиканлар озуқага етишиш учун анчагина тер тўкишига тўғри келишини билиб қолди, деб ёзади Meduza.
У бир куни кузатув видеосида озуқа томон бораётган типратиканлардан бири зинадан йиқилиб тушганини кўрди. Шундан сўнг Майчер бунинг чорасини топишга қарор қилди. Пардозчи ва унинг яқин дўсти ғиштнинг ярим бўлагини олиб, типратиканларнинг кўтарилишига қулай бўлиши учун қўшимча зиналар ясади.
Видео лавҳадан кўриниб турганидек, меҳмонлар улар учун қулайлаштирилган зиналардан муваффақиятли тарзда фойдаланмоқда. Энди улар учун ҳеч қандай тўсиқ йўқ.
Майчер ўзининг ихтироси билан фахрланади. У эдинбурглик типратиканларнинг ҳаётини бироз қулайлаштирганга ўхшайди. Уй эгасининг сўзларига кўра, уларнинг ташрифи жуда кўпайган, баъзида типратиканларнинг сафи 6-8 тани ташкил этади.
Мавзуга доир:
- 9 метрли қудуқдан қутқарилган қоплончанинг онаси ёнига таъсирли тарзда қайтиши тасвирга олинди (видео)
- Австралия ҳайвонот боғидаги пингвин ўзини ёлғиз ҳис этмаслиги учун унга қариндошлари ҳақида мультфильмлар кўрсатилмоқда (видео)
- Хитойда оч қолиб, ғингшиётган мушукни булочка билан меҳмон қилган ит видеога тушиб қолди
Изоҳ (0)