Sankt-Peterburg–Urganch yo‘nalishida navbatdagi charter reysi 8-sentabr kuni amalga oshirildi. Bu haqda Xorazm viloyati Transport boshqarmasi matbuot xizmati xabar bermoqda.
Qayd etilishicha, maxsus reys orqali 220 nafar yo‘lovchi olib kelingan. Xorijdan qaytgan barcha fuqarolar belgilangan tartibda 10 kundan kam bo‘lmagan muddatga karantin markazlariga joylashtirilgan.
Bugungi kunga qadar Xorazm viloyatiga Moskva, Sankt-Peterburg shaharlaridan jami 4 ta charter reysi amalga oshirilgan. Ularda jami 840 nafar O‘zbekiston fuqarosi o‘z uylariga olib kelingan.
Avvalroq Uzbekistan Airways 4-sentabrdan Germaniya, Qozog‘iston, Qirg‘iziston, BAA, Turkiya bilan muntazam xalqaro aviaparvozlarni tiklagani haqida xabar qilingandi. Shuningdek, Yaponiyadagi o‘zbekistonliklar 24–25-sentabr kunlari charter reys bilan vatanga qaytarilishi rejalashtirilgan.
Mavzuga doir:
- O‘zbekiston fuqarolarini xorijdan olib kelish bo‘yicha navbatdagi charter reyslarning to‘liq ro‘yxati e’lon qilindi
- Yevropadagi o‘zbekistonliklar Frankfurt—Toshkent yo‘nalishida charter reysi bilan olib kelindi
- Tojikistonda Rossiyadagi fuqarolarni mamlakatga olib kelish uchun yana 52 ta charter reys amalga oshiriladi
Izoh (0)