Санкт-Петербург–Урганч йўналишида навбатдаги чартер рейси 8 сентябрь куни амалга оширилди. Бу ҳақда Хоразм вилояти Транспорт бошқармаси матбуот хизмати хабар бермоқда.
Қайд этилишича, махсус рейс орқали 220 нафар йўловчи олиб келинган. Хориждан қайтган барча фуқаролар белгиланган тартибда 10 кундан кам бўлмаган муддатга карантин марказларига жойлаштирилган.
Бугунги кунга қадар Хоразм вилоятига Москва, Санкт-Петербург шаҳарларидан жами 4 та чартер рейси амалга оширилган. Уларда жами 840 нафар Ўзбекистон фуқароси ўз уйларига олиб келинган.
Аввалроқ Uzbekistan Airways 4 сентябрдан Германия, Қозоғистон, Қирғизистон, БАА, Туркия билан мунтазам халқаро авиапарвозларни тиклагани ҳақида хабар қилинганди. Шунингдек, Япониядаги ўзбекистонликлар 24–25 сентябрь кунлари чартер рейс билан ватанга қайтарилиши режалаштирилган.
Мавзуга доир:
Изоҳ (0)