Tojikiston—Qirg‘iziston chegarasida 1-sentabr kuni Toshkent vaqti bilan soat 18:34 da 4,1 balli zilzila kuzatildi. Bu haqda O‘zbekiston FVV Seysmoprognostik monitoring Respublika markazi xabar qildi.
Ma’lum qilinishicha, zilzila epimarkazi 40,07 daraja shimoliy kenglik, 70,56 daraja sharqiy uzunlikda qayd etilgan. Yer silkinishi magnitudasi 4,1 ballni tashkil qilgan bo‘lib, 10 kilometr chuqurlikda kuzatilgan.
Zilzila epimarkazidan Toshkentgacha bo‘lgan masofa janubi-sharqiy yo'nalish bo'yicha 175 kilometrni tashkil qiladi.
Zilzila O'zbekistonning beshta hududida sezilgan.
- Toshkent shahri — 2 ball, zilzila markazidan 175 kilometr uzoqlikda;
- Namangan shahri — 2 ball zilzila markazidan 140 kilometr uzoqlikda;
- Andijon shahri — 2 ball, zilzila markazidan 171 kilometr uzoqlikda;
- Farg'ona shahri — 2 ball, zilzila markazidan 110 kilometr uzoqlikda;
- Guliston shahri — 2 ball, zilzila markazidan 158 kilometr uzoqlikda.
Izoh (0)