Neymar va Anxel di Mariya Lionel Messini PSJga chorladi

PSJ hujumchisi Neymar va yarim himoyachi Anxel di Mariya “Barselona” forvardi Lionel Messining Parijga kelishini xohlamoqda.

Le Parisien xabariga ko‘ra, futbolchilar Messi bilan bog‘lanib, uni PSJga o‘tishga ko‘ndirmoqchi bo‘lgan.

Qayd etish joiz, Lionel har ikkala futbolchi bilan birga to‘p surgan (Neymar bilan “Barselona”da, di Mariya bilan esa Argentina terma jamoasi) va ular o‘zaro iliq munosabatlarga ega.

Avvalroq Messining otasi o‘g‘lining “Manchester Siti”ga o‘tmoqchi ekanini aytgandi.

So‘nggi ma’lumotlarga ko‘ra, hozirda Messi va “Barseona” shartnomani bekor qilish borasida kelisha olmayapti. Messi klubdan o‘zini bepul qo‘yib yuborishni so‘rayotgan bo‘lsa, rahbariyat bunga keskin qarshilik bildirmoqda.

Gollar to‘plami:

• Neymarning PSJ safidagi eng qoyilmaqom gollari (video)
• Anxel di Mariyaning “Real” safida La Ligada urgan eng sara gollari (video)