Navoiy viloyati bojxona boshqarmasi Kontrabandaga qarshi kurashish va bojxona auditi bo‘limi xodimlari “Tinchlik” tashqi iqtisodiy faoliyat bojxona posti xodimlari bilan hamkorlikda o‘tkazilgan tezkor tadbir davomida avtomashinani noqonuniy tarzda olib kirish holati o‘z vaqtida fosh etildi, deb xabar beradi Davlat bojxona qo‘mitasi.
Qayd etilishicha, fuqaro G‘.Z. nomiga Koreya davlatidan olib kelingan Hyundai Porter II rusumli avtotransport vositasi maxsus sovitish tizimi bilan jihozlanganligi hujjatlarda ko‘rsatilib, tegishli tartibda imtiyoz olish uchun bojxona organlariga taqdim etilgan.
Ta’kidlanishicha, avtomashina bojxona ko‘rigidan o‘tkazilar ekan, u maxsus sovitish tizimi bilan jihozlanmaganligi, barchasini tadbirkor o‘zi qo‘lbola usulda tayyorlab, to‘lanishi lozim bo‘lgan bojxona to‘lovlarini chetlab o‘tishga uringanligi aniqlangan.
Hozirda qiymati 155 million so‘mlik avtomashina vaqtincha saqlovga olinib, yuqoridagi holat yuzasidan bojxona organlari tomonidan surishtiruv harakatlari davom ettirilmoqda.
Mavzuga doir:
- Toyota pikapini yengil mashina sifatida O‘zbekistonga olib kirmoqchi bo‘lganlar qariyb 260 mln so‘m boj to‘lashga majbur bo‘ldi
- Toshkentda yuk mashinalarini bojxona to‘lovlarisiz olib kirishga urinishlar fosh etildi
- Buxoroda “inomarka”ning ishlab chiqarilgan yilini yashirish orqali 221,6 mln so‘mlik bojxona to‘lovidan qochishga urinish holati aniqlandi
Izoh (0)