Tiago Silva Chempionlar Ligasida PSJ rekordini o‘rnatdi

PSJ himoyachisi Tiago Silva Chempionlar Ligasi yarim finalidan o‘rin olgan “Leypsig”ga qarshi o‘yinda (3:0) maydonda to‘liq harakat qildi.

Mazkur bahs braziliyalik futbolchi uchun Parij klubi safida Chempionlar Ligasidagi 59-o‘yin bo‘ldi. Shu tariqa Silva klub rekordini o‘rnatdi. PSJning boshqa hech qaysi futbolchisi Chempionlar Ligasida buncha ko‘p o‘yin o‘tkazmagan.

Qayd etish joiz, Tiago Silva mavsum yakunida PSJni erkin agent sifatida tark etadi. U 2012-yildan beri Parij klubi sharafini himoya qilib keladi.

Silva 2019/20120-yilgi mavsumda u barcha musobaqalarda 33 ta o‘yin o‘tkazib, 1 ta gol urdi va xuddi shuncha golga hammualliflik qildi.

Tavsiya: Afsonaviy Ronaldinyoning PSJ safida urgan 25 ta golini tomosha qiling (video)