“Liverpul” bosh murabbiyi Yurgen Klopp Mersisayd klubi bilan shartnomasi tugagach, tanaffus olishni rejalashtirayotgani haqida gapirdi.
“Men bir yil tanaffus qilaman va o‘zimga: ‘futbolni sog‘indimmi?’, deb savol beraman. Agar javob yo‘q bo‘lsa, unda Yurgen Klopp murabbiylik faoliyatini yakunlaydi.
Agar bir kuni murabbiylikni to‘xtatsam ham, o‘yin oldidan bo‘ladigan aql bovar qilmas bosimni sog‘inmasligim aniq”, — dedi Klopp.
Ma’lumot uchun, “Liverpul” va Klopp o‘rtasidagi amaldagi bitim 2024-yilgacha mo‘ljallangan.
Klopp 2015-yildan beri “Liverpul”ga ustozlik qiladi. Shu yillar mobaynida u to‘rtta musobaqada: Chempionlar Ligasi, UEFA Superkubogi, klublar o‘rtasidagi Jahon chempionati (barchasi 2018/19-yilgi mavsumda) va 2019/20-yilgi mavsumda Premyer Liga musobaqasida g‘olib chiqdi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)