«Ливерпуль» бош мураббийи Юрген Клопп Мерсисайд клуби билан шартномаси тугагач, танаффус олишни режалаштираётгани ҳақида гапирди.
«Мен бир йил танаффус қиламан ва ўзимга: ‘футболни соғиндимми?’, деб савол бераман. Агар жавоб йўқ бўлса, унда Юрген Клопп мураббийлик фаолиятини якунлайди.
Агар бир куни мураббийликни тўхтацам ҳам, ўйин олдидан бўладиган ақл бовар қилмас босимни соғинмаслигим аниқ», — деди Клопп.
Маълумот учун, «Ливерпуль» ва Клопп ўртасидаги амалдаги битим 2024 йилгача мўлжалланган.
Клопп 2015 йилдан бери «Ливерпуль»га устозлик қилади. Шу йиллар мобайнида у тўртта мусобақада: Чемпионлар Лигаси, УЕФА Суперкубоги, клублар ўртасидаги Жаҳон чемпионати (барчаси 2018/19 йилги мавсумда) ва 2019/20 йилги мавсумда Премьер Лига мусобақасида ғолиб чиқди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)