“So‘g‘diyona” klubi bosh murabbiyi Ulug‘bek Baqoyev Coca-Cola Superliga 10-turi doirasida “Nasaf”ga qarshi kechgan o‘yindan (0:3) so‘ng o‘z fikrlari bilan o‘rtoqlashdi.
Ko‘plab jamoalar o‘yin ritmidan chiqib ketgan. Shu bois birinchi bo‘lim u qadar yaxshi o‘ynay olmadik. Ikkinchi bo‘limda o‘zimizga keldik, ammo gol ura olmadik. Yigitlarga e’tiroz yo‘q. O‘yin uchun rahmat. “Nasaf”ni g‘alaba bilan tabriklaymiz.“So‘g‘diyona” 10-turdan so‘ng 11 ochko to‘plagan holda 9-o‘rinda bormoqda. Jamoa keyingi turda “Bunyodkor” bilan o‘ynaydi.Iskandar Shoyqulovning sariq kartochkalari to‘rttaga yetgani bois u qaydnomadan o‘rin olmadi. Elivelto esa oilaviy sabablar tufayli uyiga uchib ketdi.
Nega gol ura olmadik? Menimcha yigitlarga mahorat yetishmadi.
Klublarning Davlat aktivlarini boshqarish agentligiga o‘tishi? Bu savolni menga emas klub rahbariyati yoki sport direktoriga bersangiz to‘g‘ri bo‘lsa kerak.
Ulug‘bek Baqoyev, “So‘g‘diyona” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)