Qo‘y go‘shtidan beshbarmoq retsepti

Vitaminlarga boy, quvvatlantiruvchi qo‘y go‘shtidan tayyorlanadigan beshbarmoq retsepti oilaning barcha a’zosi uchun foydali.

Zarur bo‘ladigan masalliqlar:

• suyakli qo‘y go‘shti — 700 g;
• piyoz — 3 dona;
• un — 2 stakan;
• tuxum — 2 dona;
• ta’bga ko‘ra tuz, lavr yaprog‘i, qalampir.

Tayyorlanish jarayoni:

1. Go‘sht yuvib, idishga solinadi. Ustidan sovuq suv qoplaguncha quyilib, qaynatishga qo‘yiladi. Qaynab chiqqandan so‘ng ko‘piklardan tozalanadi. Lavr yaprog‘i, murch, bir bo‘lak piyoz va boshqa ziravorlar qo‘shiladi. Bir soat davomida qaynatiladi;
2. Go‘sht qaynab pishguncha xamir tayyorlanadi. Elaklangan unga tuxum qo‘shiladi va 50 ml suv, tuz solinib, xamir qoriladi. Xamir biroz yumshoq bo‘lishi kerak, shunda yaxshi yoyiladi;
3. Xamir yupqa qilib yoyilgandan keyin 5 va 7 sm kvadrat o‘lchamida kesib chiqiladi. Yopishib qolmasligi uchun ustiga un sepiladi;
4. Pishgan go‘shtni olib suyakdan ajratiladi. Go‘sht maydalab to‘g‘raladi;
5. Bulyonga esa qolgan 2 ta piyozni maydalab, tuz va murch bilan birgalikda solinadi va yana qaynatiladi;
6. Qaynab chiqqan bulyonda esa xamirlar pishirib olinadi.
7. Taomni suzishdan avval pishirilgan xamirlar, ustidan go‘sht, piyozlar va bulyon quyiladi. Beshbarmoq taomini istagancha ko‘katlar bilan bezash mumkin. Shuningdek, bulyonni alohida idishlarda ham suzish tavsiya etiladi.

Yoqimli ishtaha!