Iftorlik dasturxonini tovuqli beshbarmoq bilan bezaymiz

Beshbarmoq istalgan dasturxonga ko‘rk beruvchi, mazasi og‘izda qoluvchi tansiq taom sanaladi. Uni iftorlikka tayyorlab, oila a’zolaringiz kayfiyatini ko‘tarishingiz mumkin.

Ushbu taom uchun quyidagi mahsulotlar kerak bo‘ladi:

• Tovuq — butun
• Piyoz 1 dona
• Sabzi 1 dona
• Tuz — ta’bga qarab
• Lavr yaprog‘i

Xamir uchun:

• Un — 600-650 gr
• Suv — 350 ml
• Tuxum 2 dona
• Tuz — bir chimdim

Bezak uchun :

• Piyoz va murch

Tayyorlanish jarayoni:

• Tovuqdan bulyon tayyorlab oling, unga sabzi va piyoz hamda lavr yaprog‘i soling.
• Qaynaganidan keyin ko‘piklarini olib miltillatib past olovda qaynating, bulyon tiniq bo‘lib pishishi kerak.
• Tovuqli bulyon qaynaguniga qadar xamir qoring.
• Xamir har doimgidek qoriladi: tuzli suv, un, tuxumni qo‘shing. Xamir qattiq va tarang bo‘lishi kerak.
• Tayyor xamirni paketga solib biroz tingani qo‘ying.
• Xamirni jo‘​va bilan katta qilib yoyib, to‘rtburchak shaklda qilib kesib chiqamiz (qalin yoki ingichkaligi o‘zingiz va oila a’zolaringiz xohishiga bog‘liq)
• Kesilgan xamir bo‘laklarini biroz stol ustida qoldiring.
• Bulyondan tovuq va sabzavotlarni oling.
• Tuz soling va kesilgan xamir bo‘laklarini pishirib oling.
• Xamir yopishib qolmasligi uchun kam-kamdan solib pishiring.
• Lagan yoki kattaroq idishga birinchi bo‘lib xamirni soling.
• Ustidan tovuq go‘shtini soling.
• Quruq bo‘lmasin desangiz bulyondan 3-4 qoshiq solishingiz mumkin.
• Taom ustini murchlangan piyoz bilan bezang.

Yoqimli ishtaha! Mavzuga doir:

• Iftorlikka to‘yimli va tez tayyor bo‘ladigan “lo‘la kabob”
• Saharlikka odjahuri tayyorlang. Gruzincha mazali taom retsepti
• Iftorlik dasturxonini ozarbayjoncha ko‘katli cheburek bilan bezang
• Saharlik va iftorlikka o‘z qo‘lingiz bilan non pishiring: turkcha simit retsepti
• Iftorlikka tez hazm bo‘ladigan, sabzavotli “ragu” tayyorlang
• Turk oshxonasining eng mazali nonushtasi — menemen tayyorlaymiz!