“Temir daftar” o‘zi nima? Unga kimlar kiritiladi? U qanday shakllantiriladi? Ushbu savollarga AOKA shtabida 3-avgust kuni bo‘lib o‘tgan brifingda Mahalla va oilani qo‘llab-quvvatlash vazirligi matbuot kotibi Saodat Boymirzayeva javob berdi.
“‘Temir daftar’ — karantin sharoitida ishsiz, daromadsiz qolgan ehtiyojmand, yordamga muhtoj oilalarning mahallada shakllantirilgan shaffof ro‘yxati. ‘Temir daftar’ o‘z navbatida fuqarolar yig‘inlari raisining sektor va hudud rahbari bilan hamkorlikdagi faoliyatini mustahkamlaydi.
‘Temir daftar’ni yuritishda ehtiyojmand oilalarning 7 toifasi, jumladan:
- kam ta’minlangan;
- nogironligi bo‘lgan;
- ijtimoiy himoyaga muhtoj oilalar;
- yakka-yolg‘iz keksalar;
- doimiy ishsiz fuqarolar;
- karantin tufayli ishsiz qolgan fuqarolar;
- og‘ir epidemiologik hududlardan qaytarib kelingan fuqarolarni kambag‘allikdan chiqarish choralari ko‘riladi.
‘Temir daftar’ga tushgan oilaning hech bo‘lmaganda bitta a’zosi 2020-yilda ish bilan ta’minlanib, shu orqali ularni muhtojlikdan chiqarish choralari ko‘riladi”, – deydi Saodat Boymirzayeva.
Mavzuga doir:
- “Bu yordam o‘zini qiynalib qolgan deb hisoblaganlarning barchasiga emas”. Toshkentda 30—31-iyulda “temir daftar”dagi oilalarga 25 mlrd so‘m tarqatildi
- O‘zbekistonda moddiy yordam pullarini tarqatishda qonunbuzarliklar yuz bersa, prokuraturaga murojaat qilish tavsiya etildi
- O‘zbekistonda yordam puli tarqatilishiga oid e’tirozli videolar tarqalmoqda. Mahalla vazirligi xavotirga o‘rin yo‘qligini bildirdi
- Mahalla vazirligi rasmiysi Prezident farmoni bo‘yicha muhtojlarga pul hali tarqatilmaganini ma’lum qildi
Izoh (0)