Italiyalik 74 yoshli murabbiy Fabio Kapello “Milan” klubiga qaytishi mumkin. Bu haqda Milan News xabar bermoqda.
Manbaning xabariga ko‘ra, 3-avgust kuni Kapello “Milan” ofisida ikki soatdan ko‘proq vaqt o‘tkazgan. Ko‘pchilik bu tashrifni shunchaki fikr almashish bilan bog‘lamoqda. Biroq “Milan” rahbariyati sobiq murabbiyga klub elchisi vazifasini bajarishni taklif qilgan va u bilan bu borada muzokara ham o‘tkazgan.
Ma’lumot o‘rnida, Fabio Kapello futbolchi sifatida 1976—1979-yillarda “Milan” safida to‘p surgan va 65 ta o‘yinda o‘z nomiga 4 ta gol yozdirib qo‘ygan. Murabbiy sifatida esa 3 marta klubni boshqargan: 1987 va 1991—1996-yillarda hamda 1997—1998-yilgi chempionatda. Uning boshqaruvida “Milan” 4 marta Italiya chempioni, 3 martadan mamlakat Superkubogi, Chempionlar Ligasi va UEFA Superkubogida g‘olib bo‘lgan.
“So‘yloq” Ronaldoning “Inter” va “Milan” safida urgan qoyilmaqom 10 ta goli
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)