Италиялик 74 ёшли мураббий Фабио Капелло «Милан» клубига қайтиши мумкин. Бу ҳақда Milan News хабар бермоқда.
Манбанинг хабарига кўра, 3 август куни Капелло «Милан» офисида икки соатдан кўпроқ вақт ўтказган. Кўпчилик бу ташрифни шунчаки фикр алмашиш билан боғламоқда. Бироқ «Милан» раҳбарияти собиқ мураббийга клуб элчиси вазифасини бажаришни таклиф қилган ва у билан бу борада музокара ҳам ўтказган.
Маълумот ўрнида, Фабио Капелло футболчи сифатида 1976—1979 йилларда «Милан» сафида тўп сурган ва 65 та ўйинда ўз номига 4 та гол ёздириб қўйган. Мураббий сифатида эса 3 марта клубни бошқарган: 1987 ва 1991—1996 йилларда ҳамда 1997—1998 йилги чемпионатда. Унинг бошқарувида «Милан» 4 марта Италия чемпиони, 3 мартадан мамлакат Суперкубоги, Чемпионлар Лигаси ва УЕФА Суперкубогида ғолиб бўлган.
«Сўйлоқ» Роналдонинг «Интер» ва «Милан» сафида урган қойилмақом 10 та голи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)