Amerikaning Nebraska shtatida 53 yildan buyon bir-birini tanimagan opa-singillar uchrashdi. Bunga hammani vahimaga solayotgan koronavirus sabab bo‘ldi, deb xabar berdi CNN.
73 yashar Doris Krippen 2020-yilning may oyida xastalanib qoladi. U zaiflik, holsizlik tufayli yiqilib, qo‘lini sindiradi. Afsuski, shifoxonaga olib borilgan Krippenda koronavirus aniqlanib, 30 kun davomida davolanish kerakligi aytiladi.
Oradan bir oy o‘tib Krippen Fremont shahridagi reabilitatsiya markaziga yuborildi. Aynan o‘sha yerda 20 yildan ortiq ishlagan singlisi Bev Boro bilan uchrashdi. Boroning so‘zlariga ko‘ra, u bemorlar ro‘yxatida Krippen familiyasini ko‘rishi bilan uning kim ekanligini taxmin qilgan.
Boro taxminlarini aniqlashtirish uchun taxtaga otasining ismini yozib, Krippenga ko‘rsatadi. Quloqlarida eshitish muammosi bo‘lgan Krippen otasining ismini ko‘rib, barchasini tushundi. Opa-singillarning otasi bitta, faqat onalari boshqa.
“Bu Xudoning bizga bergan yana bir marhamati, agar reabilitatsiyaga yuborilmaganimda, singlimni hech qachon topa olmasdim”, – deydi Krippen.
Shuningdek, ularning boshqa aka-uka va opa-singillari ham bor. Ular allaqachon bir-birlari bilan tanishib, juda katta oilaga aylangan.
Izoh (0)