Buxoro viloyatida 500-1000 MVt quvvatli ikkita shamol elektr stansiyasi quriladi. Mazkur stansiyalarni qurish bo‘yicha Energetika vazirligi hamda Saudiya Arabistonidagi kompaniya o‘rtasida kelishuv imzolangan. Bu haqda “Daryo”ga viloyat hokimligi axborot xizmati xabar berdi.
Ta’kidlanishicha, yangi quriladigan shamol elektr stansiyalari uchun viloyatning Peshku hamda G‘ijduvon tumani hududlari tanlab olingan.
Loyihaning umumiy qiymati 1 milliard AQSh dollari miqdorida baholangan bo‘lib, to‘g‘ridan to‘g‘ri investitsiya mablag‘larini jalb qilish orqali barpo etiladi.
“Jarayonda investor bilan elektr energiyani sotib olish va investitsiya kiritishga doir qo‘shimcha kelishuvga erishilmoqda. Natijada 25-30 yil davomida viloyatning tabiiy ‘yashil’ energiya manbalari orqali ishlab chiqarilayotgan elektr energiya bilan ta’minlash imkoni yaratiladi”, — deyiladi hokimlik axborot xizmati xabarida.
Izoh (0)