Бухоро вилоятида 500-1000 МВт қувватли иккита шамол электр станцияси қурилади. Мазкур станцияларни қуриш бўйича Энергетика вазирлиги ҳамда Саудия Арабистонидаги компания ўртасида келишув имзоланган. Бу ҳақда «Дарё»га вилоят ҳокимлиги ахборот хизмати хабар берди.
Таъкидланишича, янги қуриладиган шамол электр станциялари учун вилоятнинг Пешку ҳамда Ғиждувон тумани ҳудудлари танлаб олинган.
Лойиҳанинг умумий қиймати 1 миллиард АҚШ доллари миқдорида баҳоланган бўлиб, тўғридан-тўғри инвестиция маблағларини жалб қилиш орқали барпо этилади.
«Жараёнда инвестор билан электр энергияни сотиб олиш ва инвестиция киритишга доир қўшимча келишувга эришилмоқда. Натижада 25-30 йил давомида вилоятнинг табиий ‘яшил’ энергия манбалари орқали ишлаб чиқарилаётган электр энергия билан таъминлаш имкони яратилади», — дейилади ҳокимлик ахборот хизмати хабарида.
Изоҳ (0)