O‘zbekistonda 27-iyul soat 11:30 holatiga ko‘ra koronavirusdan davolanayotan bemorlar soni 9 598 nafarni tashkil etmoqda. Bu haqda Sog‘liqni saqlash vazirligi ma’lum qildi.
“Hozirda mamlakatimizda 9 598 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda”, — deyiladi SSV axborotida. Ularning qanchasida kasallik simptomlarsiz kechayotgani, qanchasi kasalxonalarda davolanayotganiga aniqlik kiritilmagan.
Sog‘liqni saqlash vazirligidan qo‘shimcha qilishlaricha, hozirgi vaqtda koronavirusdan davolanayotgan 9 598 nafar bemordan 217 nafarining ahvoli og‘ir, shundan 65 nafarining ahvoli o‘ta og‘ir deb baholanmoqda.
Qayd etish joiz, 26-iyul yakunlariga ko‘ra SSV o‘sha vaqtda davolanayotgan jami 9 310 nafar bemordan 152 nafarining ahvoli og‘ir, 66 nafarining ahvoli o‘ta og‘ir ekani haqid xabar bergan edi. 27-iyul kuni esa SSV Toshkentda 65 yoshli bemor vafot etganini ma’lum qildi.
Ma’lumot uchun, ahvoli og‘ir va o‘ta og‘ir bemorlarning umumiy soni 16-iyul kuni birinchi marta 60 nafardan, 17-iyul kuni 80 nafardan, 18-iyul kuni 90 nafardan, 19-iyul kuni 100 nafardan 21-iyul kuni 130 nafardan, 23-iyul kuni 140 nafardan, 24-iyul kuni 170 nafardan, 25-iyul kuni 190 nafardan oshgandi.
Izoh (0)