Ўзбекистонда 27 июль соат 11:30 ҳолатига кўра коронавирусдан даволанаётан беморлар сони 9 598 нафарни ташкил этмоқда. Бу ҳақда Соғлиқни сақлаш вазирлиги маълум қилди.
«Ҳозирда мамлакатимизда 9 598 нафар беморга шифокорларимиз томонидан белгиланган стандартлар бўйича даво чоралари кўрилмоқда», — дейилади ССВ ахборотида. Уларнинг қанчасида касаллик симптомларсиз кечаётгани, қанчаси касалхоналарда даволанаётганига аниқлик киритилмаган.
Соғлиқни сақлаш вазирлигидан қўшимча қилишларича, ҳозирги вақтда коронавирусдан даволанаётган 9 598 нафар бемордан 217 нафарининг аҳволи оғир, шундан 65 нафарининг аҳволи ўта оғир деб баҳоланмоқда.
Қайд этиш жоиз, 26 июль якунларига кўра ССВ ўша вақтда даволанаётган жами 9 310 нафар бемордан 152 нафарининг аҳволи оғир, 66 нафарининг аҳволи ўта оғир экани ҳақид хабар берган эди. 27 июль куни эса ССВ Тошкентда 65 ёшли бемор вафот этганини маълум қилди.
Маълумот учун, аҳволи оғир ва ўта оғир беморларнинг умумий сони 16 июль куни биринчи марта 60 нафардан, 17 июль куни 80 нафардан, 18 июль куни 90 нафардан, 19 июль куни 100 нафардан 21 июль куни 130 нафардан, 23 июль куни 140 нафардан, 24 июль куни 170 нафардан, 25 июль куни 190 нафардан ошганди.
Изоҳ (0)