Yuziga quyoshdan himoya qiluvchi kremni ko‘p surtib yuborgan Mark Sukerberg internetda memga aylandi (foto)

Gavayida shunchaki syorfing bilan shug‘ullanishni istagan Facebook asoschisi Mark Sukerberg kutilmaganda internet yulduziga aylanib ketdi, deb yozadi Harper’s Bazaar.

Twitter foydalanuvchilari biznesmen ishtirokida yangidan yangi memlarni taqdim etmoqda. Barchasida Markning quyoshdan himoyalanish maqsadida yuziga qalin qilib sanskrin surtib olgani sabab bo‘lgan. Mark kremdan shu qadar ko‘p foydalanganki, uni uzoqdan turib ham payqash mumkin. Aftidan Facebook asoschisi quyoshda qorayishdan juda ham qo‘rqadi va bu qo‘rquv uni kulgiga qoldirdi.

Internet foydalanuvchilar Sukerbergning yuzini Jokerning niqobi bilan taqqoslamoqda, ayrimlar esa Mark va Donald Trampning bir birga o‘xshashini ta’kidlay boshlagan.