Юзига қуёшдан ҳимоя қилувчи кремни кўп суртиб юборган Марк Цукерберг интернетда мемга айланди (фото)

Гавайида шунчаки сёрфинг билан шуғулланишни истаган Facebook асосчиси Марк Цукерберг кутилмаганда интернет юлдузига айланиб кетди, деб ёзади Harper’s Bazaar.

Twitter фойдаланувчилари бизнесмен иштирокида янгидан-янги мемларни тақдим этмоқда. Барчасида Маркнинг қуёшдан ҳимояланиш мақсадида юзига қалин қилиб санскрин суртиб олгани сабаб бўлган. Марк кремдан шу қадар кўп фойдаланганки, уни узоқдан туриб ҳам пайқаш мумкин. Афтидан Facebook асосчиси қуёшда қорайишдан жуда ҳам қўрқади ва бу қўрқув уни кулгига қолдирди.

Интернет фойдаланувчилар Цукербергнинг юзини Жокернинг ниқоби билан таққосламоқда, айримлар эса Марк ва Дональд Трампнинг бир бирга ўхшашини таъкидлай бошлаган.