UFC’ning yarim o‘rta vazn toifasidagi chempioni Kamaru Usmon faoliyatini yakunlagan Jorj Sen-Pyer bilan jang qilmoqchi.
“Jorj bilan jang qilmoqchiman. Biz u bilan yarim o‘rta vazn toifasida ketma-ket g‘alaba qozonish bo‘yicha bir xil ko‘rsatkichga egamiz. Jorj — kuchli yigit, sport afsonasi. U eng yaxshilaridan biri hisoblanadi, aynan men ham shunga intilaman.
Sen-Pyer hali ham yuqori saviyada jang qila oladi. U buni ikki yil avval isbotlagan. Uning qaytishiga va qiziqarli raqib bo‘la olishiga ishonaman.
Ammo Byornsni (Gilbert) berishsa ham, roziman. O‘zimga raqib tanlamoqchi emasman. UFC qanday qaror qilsa, shunday bo‘ladi. Kim menga qarshi chiqishidan qat’i nazar, uning orzusi tezda dahshatga aylanadi”, — deydi Usmon.
Avvalroq UFC prezidenti Deyna Uayt Kamaru Usmonning Gilbert Byornsga qarshi jang o‘tkazishini aytgandi.
Eslatib o‘tamiz, Usmon Abu-Dabida o‘tkazilgan UFC 251 musobaqasida Xorxe Masvidalni mag‘lubiyatga uchratib, chempionlik kamarini o‘zida saqlab qoldi.
Kamaru Usmon Serjiu Moraisni 1-raunddayoq dahshatli nokautga uchratgan, o‘sha jangni tomosha qiling.
Mavzuga doir:
Izoh (0)