“Ueska” Ispaniya Segundasining 41-turida “Numansiya”ni 3:0 hisobida mag‘lubiyatga uchratdi va La Liga yo‘llanmasini qo‘lga kiritdi.
“Ueska” 67 ochko to‘plagan holda so‘nggi tur oldidan musobaqa jadvalida 2-o‘rinda bormoqda. 3-pog‘onani esa “Almeriya” (63) egallab turibdi.
Shu tariqa “Ueska” o‘z tarixida ikkinchi bor La Ligaga ko‘tarildi. Jamoa birinchi marta 2017/2018-yilgi mavsumda yuqori divizionda harakat qilgan, biroq o‘sha mavsumning o‘zidayoq Segundaga tushib ketgandi. Klub 1960-yilda tashkil topgan, uy uchrashuvlarini “El-Alkoras” stadionida o‘tkazadi.
Avvalroq “Kadis” 14 yil deganda ilk bor La Liga yo‘llanmasiga ega chiqqandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)