Ortda qolgan bir sutka davomida Rossiyada 6615 ta yangi kasallanish holatlari qayd etildi. Bu haqda COVID-19’ga qarshi tezkor shtab xabar qilgan.

Foto: “TASS”

Bir kun avval 6611 ta yangi holat aniqlangani xabar qilingandi. Koronavirus Rossiyada tarqala boshlaganidan beri kasallanganlarning umumiy soni 727 162 nafarga yetgan.

Koronavirus infeksiyasi bilan eng ko‘p kasallanish holatlari Moskva (+679), Sankt-Peterburg (+293) shaharlarida va Sverdlovsk viloyatida (+286) kuzatilgan.

Sutka davomida koronavirus infeksiyasi bilan kasallangan 130 nafar bemor vafot etgan. Rossiyada epidemiya boshlaganidan beri qayd etilgan o‘limlar soni 11 335 tani tashkil qilmoqda.

Epidemiya davri mobaynida 501 061 kishi koronavirus infeksiyasidan tuzalgan. Oxirgi bir sutka davomida sog‘ayganlar soni 3615 nafarni tashkil qildi.

Rospotrebnadzor bergan ma’lumotlarga ko‘ra bir sutka ichida jami 322 mingta koronavirus testi amalga oshirilgan. Mamlakatda COVID-19 epidemiyasi boshlanganidan buyon o‘tkazilgan laborator tahlillar soni 23 millionga yetgan.

9-iyulda Rossiyada koronavirus yuqtirib olganlar soni 707 ming nafardan oshgani, Rossiya Sog‘liqni saqlash vazirligi COVID-19’ga qarshi uchinchi yangi doridan foydalanishga ham ruxsat bergani, Koronavir dori vositasidan faqat statsionar davolashda foydalanish mumkinligi haqida xabarlar berilgan.